Këtë të enjte Jeta në Kosovë transmeton debat me tre ambasadorë që kanë vëzhguar zgjedhjet e 12 dhjetorit si dhe analizën nga 15 ekipe vëzhguese të BIRN-it që përcollën zgjedhjet në disa qendra të Kosovës dhe si rezultat dorëzuan 20 ankesa në PZAP për parregullsi gjatë procesit.
Çka panë në ditën e zgjedhjeve ambasadori i ShBA-së, Francës dhe Zvicrës? Cili është vlerësimi i tyre për këto zgjedhje? Pse ambasadorët thonë se Demokracia në Veprim nuk e ka kryer punën e vet si duhet në terren prej asaj çka ata kanë parë me sytë e tyre? Si ia ndalën rrymën ambasadorit Dell? Si kërkuan komisionerët e vendvotimeve që ambasadori Dell t’i ndihmojë ata që “t’ia bëjnë diqysh” votave të tepërta?
Për të marrë përgjigje në këto çështje si dhe të tjera lidhur me procesin e zgjedhjeve, Jeta Xharra ka ftuar në studio:
Zhan-Fransua Fitu, ambasador i Francës
Kristofer Dell, ambasador i SHBA-ve
Llukas Berlinger, ambasador i Zvicrës
Ndërsa pas debatit, ekipet vëzhguese të BIRN-it raportojnë për të parregullsitë në proces dhe manipulimet e votave në komuna të Kosovës.
Krejt në fund Jeta në Kosovë përkujton Riçard Hollbrukun, politikanin luftarak që vdiq këtë javë. Ndiqni sekuenca nga intervista e Hollbrukun dhënë emisionit Jeta në Kosovë në nëntor të vitit 2006.
